街坊美食

位於牛池灣龍池徑的新志興至尊燒鵝大王，

是Stella每個星期五返學的飯堂。

每次都有十幾位同學齊齊撐枱腳，

新志興的小炒相比招牌菜燒鵝更勝一籌 ，

招牌菜燒鵝下次分享，

今次介紹我們12人的午飯！！

椒鹽骨飯$42 

炸香椒鹽骨加埋蒜香、紅椒真係送飯一流！

生炒排骨飯$45

甜甜酸酸生炒排骨夠醒胃，

 雖然話係排骨，其實肉多骨少，

最怕厚厚粉漿，

幸好包住排骨的粉漿不算厚，

伴碟有洋葱紅綠椒。

茄子肉粒飯$42 

茄子似走過油，有香口感覺，

獻汁不糊口，調味得恰到好處！

欖菜肉鬆炒飯$42

切碎的鹹鹹香香欖菜蒜，

加埋肉鬆炒飯夠味道，

最一流是炒飯不油膩，

是大家每次必選的至愛！

菜遠牛河$45

滑滑鮮牛、當造菜遠是最佳拍檔，

獻汁味道適中， 

獻汁份量也剛剛好包裹河粉！

銀芽肉絲炒麵$45

 所謂炒麵成功在炸過的麵又香又脆，

肉絲、芽菜、韮、草姑舖滿整碟！

滑蛋蝦仁炒河$60

大蝦爽脆，獻汁加入滑蛋偏濃但夠味，

否則河就會淡而味，

 滑蛋蝦仁炒河是清新之選。

抵食足料大大個大包$18 

饀料包羅萬有：叉燒、蛋、火腿......

抵食足料大大個糯米雞$18

饀料又係包羅萬有：臘腸、火腩、東菇......

茶介每位$3，水夠滾，沖茶洗杯碗好掂！
每次午餐都要致電訂枱，都很好生意！